மீழ்வோம் மனிதர்களாய்...

சாலை எங்கும் முகமூடி கொள்ளையர்கள்        
     ஜாக்கிரதை என்ற நிலவரம் மாறி...
சாலையில் முகமூடி கொள்ளையர்களாக         
     மக்கள் அனைவரும்...

புறந்தூய்மை அவசியம் என்பதை உணராத        
      பலருக்கு ஓர் நுண்ணுயிரி...
புறந்தூய்மை இல்லையேல் வாழ்க்கை இல்லை      
      என்று உணர்த்துகிறது...

அவசியத்தை விடுத்து ஆடம்பரம்        
     என்ற அனாவசியத்தில் திலைத்தவர்கள்...
அனாவசியத்தை விடுத்து அத்தியாவசியத்தை       
     மட்டுமே நாடுகிறார்கள்...

தன் சுயநலத்தை  பாராமல் பிறர் நலனையும்        
     உணர்ந்து செயல்படும் எண்ணமும்...
தன்னிடம் இருக்கும் பொருளை இல்லாதவர்களுக்கு       
     பகிர்ந்து உதவும் குணத்தையும் தூண்டுகிறது...

உடனிருக்கும் உறவின் அருமை அறியாது சமூக       
     வலைதளங்களில் உலாவி வந்தவர்களுக்கு... 
உடன் இருபவர்களோடு நேரத்தை செலவிட ஒரு 
     வாய்ப்பை ஏற்படுத்தித் தந்தது அந்த நுண்ணுயிரி...

ஊரெங்கும் உதவும் மனப்பான்மை வளர்கிறது..
    நாடெங்கும் நலனில் அக்கறை பெருகுகிறது...
உலகெங்கும் மனிதநேயம் ஓங்குகிறது..
     நுண்ணுயிரி தாக்கத்தில்லிருந்து மீண்டு எழுவோம்     
     மனிதர்களாய்...
    
                                            -  கஸ்தூரி சுந்தரமூர்த்தி

Location: Coimbatore, Tamil Nadu, India

Comments

Post a Comment

Popular posts from this blog

வகை (2) சுற்றுப்புறச் சூழல் – கட்டுரைப் போட்டி – 2015

சுற்றுப்புறத் தூய்மையே வாழ்வுதரும் முன்னுரை ‘சுத்தம் சோறு போடும்’ என்பது பழமொழி. இப்பழமொழி தூய்மையின் அவசியத்தை நமக்கு உணர்த்துகிறது. மக்கள் அனைவரும் தூய்மையான சூழ்நிலையையே விரும்புகிறார்கள். தன்னையும் தன் வீட்டையும் மட்டும் தூய்மையாக வைத்துக்கொண்டால் போதாது. தன் சுற்றுப்புறத்தையும் தூய்மையாக வைத்துக்கொள்ள வேண்டும். சுற்றுப்புறங்களைத் தூய்மையாகத் வைத்திருந்தால்தான் நோய் வராது. இல்லையென்றால் தொற்று நோய்கள் பரவி உடல் நலத்தைப் பாதிக்கச் செய்துவிடும். வீடு தூய்மையாக இருந்தால் தான் ஊர் தூய்மையாக இருக்கும். ஊர் தூய்மையாக இருந்தால்தான் நகரம் தூய்மையாக இருக்கும். நகரம் தூய்மையாக இருந்தால் தான் நாடே தூய்மையாக இருக்கும். இதைத்தான் ‘சுற்றுப்புறச் சூழல் பாதுகாப்பு’ என்கிறோம். சுற்றுப்புறத் தூய்மைக் கேடு குறித்தும், அதனை எவ்வாறு நீக்க வேண்டும் என்பது குறித்தும் இக்கட்டுரை முன்வைக்கின்றது. வள்ளுவர் கூறும் தூய்மை             புறந்தூய்மை நீரால் அமையும் அகந்தூய்மை வாய்மையால் காணப் படும் என்ற குறளில் (29 8) வள்ளுவர், தூய்மை இருவகைப்படும் என்கின்றார். ஒன்று: அகந்தூய்மை. மற்றொன்று: புறந
Read more

செல்லம்மா...

Image
உன் அன்னை தாய்மை உணர கருவில் பூத்து உன் அன்னையின் ஏக்கத்திற்கு கிடைத்த வரம் நீ! உன் அப்பாவின் மனதிலோ இருவரையும் காக்கும் வலி உன்னை கண்ட நொடியிலோ கண்களில் ஆனந்ததுளிகள்! உன் பிஞ்சு முகம் மென்மையான மேனி சிறிய விரல்கள் பொலிவான கண்கள் உன் முகமெல்லாம் மயக்கும் சிரிப்போடு கள்ளமில்லா அன்பினால் அடிமையாக்கினாய்! உன் சின்ன பாதங்களை சுவைத்து தத்தித்தாவி , நீந்தி, தவழ்ந்து உன் தலையை தூக்கி எங்களை தேடி அளப்பரியா மகிழ்ச்சி அளித்தாய்! உன் கால்களை விரித்து அமர்ந்து மெல்ல மெல்ல விழுந்தும் எழுந்துமாய் உன் முதல் அடிகளை வைத்து நடக்கும் எங்கள் வீட்டு செல்வமே... உன்னை காண்கையில் எத்தனை இன்பம்! உன் நிகழ்வுகள் எங்கள் நினைவுகளாய் . . .                                              - கஸ்தூரி சுந்தரமூர்த்தி
Read more

யாதுமாகி நின்றாள்

பெண்ணே , சுய நலம் ஒழித்து பொது நலம் காத்து அன்பான முகப்பொலிவில் அழகு சேர் ...... நாணத்தோடு சகிப்புத்தன்மையும் அணிகலனாய் ...... சிந்தித்துச் செயல்படும் பக்குவத்தோடு அனைத்தையும் தாங்கும் சக்தி கொண்டு பிறப்பளித்து வாழ்வளிக்கும் உனக்கு நிகர் எவரும் இல்லை ......                                                 சு. கஸ்தூரி
Read more